Question 1

Hvað geri ég þegar heim er komið?

Accepted Answer

Þegar þú kemur heim skaltu taka því rólega og forðast mikla áreynslu.

Mikil áreynsla getur t.d. verið að halda á þungum hlutum, pokum og töskum, að halla sér fram, líkamsrækt og þessháttar.

Mikil áreynsla getur aukið blæðingahættu og jafnvel valdið því að þú verður miklu lengur að ná þér. Mar og bólga verða lengur að hverfa og einnig getur skurðurinn opnast.
Þó hvetjum við þig til að hreyfa þig eðlilega, samanber venjulegar athafnir daglegs lífs en hafa alltaf í huga að hlífa aðgerðarsvæðinu.

Það er mjög mikilvægt að nærast vel eftir aðgerð. Borðaðu mat eins og þú ert vön/vanur og reyndu að halda orkunni uppi fyrstu tvo sólarhringana, t.d. með því að neyta ávaxtasafa, orkudrykkja eða annars sem gefur orku.

Það skiptir miklu máli að drekka vel af vökva eftir aðgerð þar sem mikið vökvatap fylgir öllum aðgerðum, þó sérstaklega fitusogi og svuntuaðgerðum.

Question 2

Má ég borða hvað sem er?

Accepted Answer

Það er mjög mikilvægt að nærast vel eftir aðgerð. Borðaðu mat eins og þú ert vön/vanur og reyndu að halda orkunni uppi fyrstu tvo sólarhringana, t.d. með því að neyta ávaxtasafa, orkudrykkja eða annars sem gefur orku.

Það skiptir miklu máli að drekka vel af vökva eftir aðgerð þar sem mikið vökvatap fylgir öllum aðgerðum, þó sérstaklega fitusogi og svuntuaðgerðum.

Question 3

Hvenær má ég fara í sturtu?

Accepted Answer

Yfirleitt er hægt að fara í sturtu um tveimur til þremur dögum eftir aðgerð en sumar aðgerðir, eins og t.d. svuntuaðgerð og brjóstaminnkun, krefjast þess að þú hafir umbúðirnar á þar til þú mætir í endurkomu.

Gufuböð, sundferðir og annað í þeim dúr þarf að bíða með þar til 3-4 vikur eru liðar frá aðgerð ef þú ert með sauma sem eyðast sjálfir. Hinsvegar er allt í lagi að fara í sund, bað og gufu eftir að venjulegir saumar hafa verið teknir . Sárið er gróið og skorpan alveg farin af. Þetta á til dæmis við um augnlokaaðgerðir og blettatöku.

Question 4

Hvenær má ég byrja að aftur að vinna?

Accepted Answer

Það er mjög mismunandi hversu langur tími líður þar til þú getur snúið aftur til vinnu. Þetta fer allt eftir umfangi aðgerðar og heilsunni þinni.
Eftir brjóstastækkun er algengt að konur geti farið aftur í vinnu eftir 4 til 7 daga, svo lengi sem um skrifstofustörf eða önnur störf sem reyna ekki mikið á líkamann er að ræða.
Eftir svuntuaðgerð þarf að lágmarki að bíða í 10 daga, augnlokaaðgerðir 3 til 4 daga og eftir fitusog er hægt að fara aftur í vinnu eftir um tvo daga.
Að þessu sögðu viljum við þó taka fram að þetta er nokkuð einstaklingsbundið og verður metið út frá hverjum og einum í endurkomutíma.

Question 5

Hvenær má ég byrja að mála mig?

Accepted Answer

Krem eða aðrar snyrtivörur má ekki nota á aðgerðasvæði fyrstu tíu dagana eftir aðgerð. Ekki vera úti í sól að minnsta kosti fyrstu tvær vikurnar án sterkra sólarvarna, að minnsta kosti 50.

Ekki stunda neinar íþróttir, æfingar, hlaup eða skokk eða annað sem þú svitnar við í sex vikur eftir aðgerð.
Gefðu líkamanum tíma til að græða sárin.

Question 6

Fæ ég endurgreiðslu frá Tryggingastofnun?

Accepted Answer

Ef Tryggingarstofnun tekur þátt í aðgerðinni þá greiðir sjúklingur sinn hluta eftir aðgerð.

Hluti sjúklings fer eftir því hvaða aðgerð er gerð, hvort hann er með afsláttarkort eða hvort um öryrkja eða ellilífeyrisþega er að ræða. Hvað börn varðar þá þurfa foreldrar eða forráðamenn þeirra að framvísa tilvísun frá heimilislækni til að Tryggingastofnun taki þátt í niðurgreiðslu aðgerðarinnar.

Ef um fegrunaraðgerð er að ræða sem Tryggingastofnun tekur ekki þátt í þá þarf að greiða aðgerðina fyrirfram á viðeigandi bankareikning.

Tímabókanir
551 1225
Frá 09:00-15:00

Algengar spurningar

Undirbúningur fyrir aðgerð

Eftir aðgerð

Tímabókanir 551 1225 Frá 09:00-15:00

Algengar spurningar

Undirbúningur fyrir aðgerð

Eftir aðgerð

Tímabókanir
551 1225
Frá 09:00-15:00